Abdughopur aka Qutluq 85 yashta

Eslide her qandaq adem köp yashighanlighi bilen emes, belki qandaq yashighanlighi bilen bahalinip, qedirlinidu. «Yaxshining yaxshilighini éyt, qedri ashsun», deydéken xeliq danalighida. Bügünki xoshalliq künliride medeniyitimiz, edebiyatimiz, tilimizning zhanköyeri, milletperwer, ilham béghining baghwini Abdughopur Qutluqow heqqide qanche yaxshi sözlerni éytsaqmu azliq qilidu. Chünki akimiz ademler bilen semimiy muamilide bolushi, kemtarlighi, dilkeshligi arqiliq alahide izzet-hörmet hem qedir-qimmetke ége. Shunglashqimu biz Abdughopur aka Qutluqow bilen heqliq yosunda pexirlinimiz! Abdughopur aka Qutluqowni 85 yashliq tewelludi bilen qizghin tebriklep, yéngi ijadiy utuqlarni tilep, emgigingiz layiq bahasini tépip, téximu chong utuqlargha yétip, xelqimizning medeniyet tereqqiyatigha qoshuwatqan munasip ülüshingiz téximu salmaqliq bolushigha semimiy tiligimizni bildürimiz! Yazidighiningiz köp bolup, emgigingiz yémishlik bolghay!
Perzentliringiz hayatingizning mezmun mahiyitini téximu béyitip, beriketlik öyüngizde menggü bahar bolsun démekchimiz. Sizge mustehkem salametlik, uzaq ömür, ailewiy xatirjemlik tileymiz!
Ailenglargha her dayim bexit-saadet, qut-bériket we utuq-amet yar bolghay! Ilahim, atqan her bir tang sizge peqet yaxshiliq élip kelsun!

Www.izlirimiz.org
Waqqas Abbas oghli Mamédinow
Hemrajan Amraq Zaitow
Gheyret Toxti Kenji